03/12/07 Animasjon og bilethandsaming

I desse timane måtte eg konsentrera meg 110%!! eg har alltid hatt lyst til å kunna redigera, klippa og fiksa på bilete som eg har på pc`en min heime, men korleis gjer eg det? Dette skulle eg få læra i dag! Han mannen som snakka om programma, gjekk veldig fort fram. Det var til tider vaskeleg å henge med på alt han sa og gjorde fram på tavla. Alt dette var jo nytt for meg, og alt er litt vanskeleg fysste gongen har eg funne ut...

Var greit å få tilgang til ei side på nettet der me kunne lasta ner gratis bilete som me kunne bruka. Me fekk i oppdrag å lage ein plakat, og dei 10 beste plakatene skulle få lov til å henge i klasserommet. Ikkje at eg blei ferdig med plakaten i desse timane akurat...Men frista for innlevering blei satt etter jul! Å då kan ein jo få øvd seg i ferien kanskje?

På bilde ser du ein dansande pinne-mann...han prøver å dansa ein merkeleg dans... klikk på bilete, så får du også sjå!

-------------------------------------------

Seinare kommentar: Plakaten min!

Her ser du plakaten som eg har laga! Den blei ramma inn å hengt på veggen i klasserommet. Heile klassen var med på å bestemme kva slags plakatar som skulle hengast opp.

-------------------------------------------

26/11/07 Ut på tur, aldri sur!

For ein fantastisk måte å ha praksisoppsummering på! Været var bra, alle var blide og turløypa var perfekt! Det er så kjekt at ein kan gjere noko slikt som dette av og til, ikkje berre sitja inne i eit klasserom med dårleg luft og mykje datamaskinar som står å svirre.

Eg må sei at det er tøft gjort av Birgit å invitera heile klassen inn på vafler og kaffi etter den 6 kilometer lange turen! Alle plasserte seg litt rundt omkring i huset, og jammen fekk me plass til alle!

Alle fekk dela ulike erfaringar fram og tilbake frå praksis. Det var interessangt å få høyre korleis dei på Langeland skule hadde hatt det, i og med at me ikkje hadde fått snakka så mykje med dei etter praksis. Ein lærar ganske mykje av å høyre på kva andre har opplevd, å korleis dei har takla vanskelege situasjonar i ein klasse.

05/11/07 Diamanten

Den didaktiske relasjonsmodellen
"Kva, korleis, kvifor" Det er mykje som skal planlegjast og tenkjast igjennom før ein undervisingstime. For meg, blei denne timen ein repetisjonstime. Noko som var heilt greit! Me hadde litt om den didaktiske relasjonsmodellen på grunnfag idrett i fjor, men eg følte at eg fekk meir tak i kva som ligg i ordet didaktikk.

Som sagt, var denne timen ein god repetisjonstime for meg, for eg syns forsatt at det er vanskeleg å utfordrande å planleggje alle faktorane i det diamantskjemaet som me fekk utlevert.

Eg forstår kvifor me ska lære oss å fylla ut eit slikt skjema, men eg har ikkje inntrykk av at lærarane tar seg tid til å skrive eit slikt skjema for kvar time dei har i det daglege. Men dei har vell kanskje andre rutinar for planleggjinga si? I praksis som kjem no snart, vil me nok få svar på dette.

KAMPVISE: Konkretisering, Aktivisering, Motivasjon, Progresjon, Variasjon, Individualisering, Sosialisering og Evaluering.

Dette er stikkorda ein lærar må sjå igjennom før han/ho skal gjennomføra ein undervisingstime. KAMPVISE hadde me mykje om i fagdidaktikken i fjor, derfor kunne eg desse godt fra før!
-------------------------------------------
Seinare kommentar:

Her har eg ramsa opp dei 10 tesene for god undervisning som me gjekk i gjennom:

1. Tydelig struktur på undervisninga og læreprosessen


2. Effektiv nytting av læretida


3. Samanheng mellom mål, innhald og metodeval


4. Mangfold av metodar og organiseringsformer


5. Innøving av dugleikar, mentalt og fysisk


6. Læraren si indviduelle støtte til den einskilde elev


7. Eit undervisningsklima som fremmer læring


8. Meiningsskapande språk i undervisninga


9. Tilbakemelding frå elevene kring læreprosessen si form og innhald


10. Avklaring av krav og vurderingskriterier til eleven sine prestasjonar
    

Det er vanskeleg å seie kva for teser som er mest relevante for meg, då eg syns at alle er viktige. Men dersom eg må velje nokon må det bli tese 1, 3, 4, og 6. Alle desse tesene er gode å ha i bakhovudet når ein skal planleggje å utføra ein god undervisningstime.

"Planlegging reduserer usikkerheten i skolehverdagen". (Lyngnes & Rismark 2007:75).¨

Men kvifor er eigentleg evne til god planlegging så viktig? Er det nødvendig å planlegge kvar einaste time? JA, DET ER DET!

Døme:

Tenk deg at du skal på ein chartertur til syden. Alt er pakka og klart, turen er bestillt for lenge siden, og det einaste du treng å tenkje på, er å komma deg til flyplassen...På ein chartertur er alt opplegg klart, du treng ikkje tenka på korleis du skal komme deg til hotellet eller korleis du kjem tilbake til flyplassen på veg heim...Alt dette er det reiseselskapet og guidene som planlegg for deg. Dei står til og med på flyplassen og ventar på deg, med navnelister og heile pakka, slik at dei skal få alle med. Målet deiras er at du skal få ein god tur, og positive opplevingar med reising. Dette kreves god planlegging. På same måte er det for ein lærar. Elevane kjem til skulen, læraren står klar med opprop av elevar for å sjå kven som er der. Læraren har opplegget klart for dagen og elevane vil forhåpentligvis få ei positiv oppleving med læring og eit godt læringsutbytte. Ein kan kanskje ikkje samanlike dette heilt...men begge deler går ut på det same, nemeleg GOD NØDVENDIG PLANLEGGING!

Korleis kan ein læra fra seg noko utan planlegging og struktur i kvardagen? Skal det berre væra tilfeldig kva elevane skal lære for kvar dag? Kor blir det av progresjonen i dette opplegget? Eg trur ikkje ein lærar med tilfeldig planlegging vil jobbe så lenge i skulen. I verfall burde han/ho ikkje gjere det! Det er for elevane me er her! Det er vårt ansvar at dei lærar noko, derfor er det så viktig å planlegge det på førehand. Ikkje berre dag for dag, men også veke for veke, slik at dei får ein progresjon i det som dei skal læra.

Den didaktiske relasjonsmodellen

Denne modellen er delt inn i 6 ulike kategoriar, som alle er viktige faktorar i planlegginga og i refleksjonen etter ei undervisning. Modellen tar for seg:

• Mål


• Innhold


• Rammefaktorer


• Læreforutsetninger


• Læringsaktiviteter


• Vurdering
  

Alle desse kategoriane glir på ein måte over i kvarandre, og det er desse kategoriane som ein lærar skal ha i bakhovudet når han/ho skal planlegge eit undervisningsopplegg. Det er ikkje berre dei mest erfarne lærarane som skal kunne bruka den didaktiske relasjonsmodellen, den kan også brukast av oss som er lærarstudentar og dei som nettopp har komt seg ut i arbeid.

"Bjørndal og Lieberg utviklet den didaktiske relasjonsmodellen. Med denne ønsket de å gi lærere en forståelsesramme og et redskap de kunne ta i bruk for å planlegge, analysere og forberede sin undervisning." (Lyngnes & Rismark 2007:79)
-------------------------------------------

29/10/07 Oppsummering av dei ulike læringsteoriane.

I denne økta fekk me ein gjennomgang av dei ulike læringsmetodane. Birgit skreiv tankekart på tavla, som me skulle fylle ut. Sjølv om alle hadde hatt presentasjon om dei ulike læringsmetodane, så var det greitt å få ei endeleg oppsummering av alle. Eg har vært inne på Fronter å henta meg det heftet som Birgit hadde laga. Det var eit flott hefte som kan væra godt å ha med seg til eksamen. Nå skal me jo snart byrja på matematikk og pedagogikk oppgåva, då er det greitt å ha det heftet med alle læringsmetodane framføre seg.
-------------------------------------------
Seinare kommentar:
Eg syns forsatt at det er vanskeleg å veta heilt kva slags pedagogiske grunnsyn eg har. Det finst ikkje noko fasitsvar på dette området, og eg trur ikkje eg klarer å bare velja ein av dei? Blir nesten litt som den nydelige sjokoladen SMASH! "Det skal godt gjøres å bare ta en!" viss noko har sett den reklamen?
Som sagt er eg ganske fasinert av Howard Gardners teori om mutiple intelligensar, men så er eg også einige med John Deweys "learning by doing". Eg vil tru at mitt pedagogiske grunnsyn vil endra seg med tidå. Erfaring og utprøving av ulike metodar vil nok ha noko å seie for mitt pedagogiske grunnsyn i framtida som lærar.
Etter at me hadde jobba ein del med desse ulike læringsteoriane, fekk eg eit inntrykk av at alle på gruppa var einige om at ei "go suppe" av alle læringsmetodane som me hadde presantert, var ein god metode! Trur ingen av oss hadde blitt heilt einige med oss sjølv, dersom me skulle berre ha valgt ein læringsteori å gå ut i frå.

Matematikk/pedagogikk oppgåva: "Hjelp!", var min fyste tanke som slo inn... i byrjinga var alt litt defust...Men etter kvart som alt fekk synka litt inn, og alle hadde stressa fira hakk ned, byrja eg å forstå ting. Eg hadde tatt gode notater frå presentasjonen av oppgåva, slik at eg ikkje skulle ha noko uklart. Eg senka skuldrene då eg fekk høyre at me kunne redigera oppgåva heilt fram til våren! Dette var jo greit. Det skal bli spanande å sjå korleis me klarer å skapa dette undersøkelseslandskapet i praksis! Vil eg klara å stilla dei gode spørsmåla tru?

Kurs i oppgåveskriving: Flott med eit kurs i word før ei slik stor oppgåve! Eg gjekk jo her på Stord i fjor å lærte korleis eg skulle skrive ei oppgåve. MEN ein lærar så lenge ein lever, og i dag lærte eg korleis eg skulle oppdatera innhaldsfortegnelsen ved berre eit enkelt tastetrykk! Fantastisk! Dette gjorde det mykje enklare for meg, du anar ikkje kor lang tid eg har brukt på å "prøva" å laga ei bra innhaldsliste uten formatering! No blei det nesten for lett! Elles har eg nettop fått den nye versjonen av word på PC`en min...word 2007. Det var word 97 me blei kursa i. Det er mykje som er likt, men allikavel litt nyare ting å setje seg inn i. Men det kjem seg vell etter kvart!
-------------------------------------------

22/10/07 Framføring av dei ulike læringsteoriane.

Eg var spendt på korleis dette skulle gå, me jo hadde ein litt annleis framføring i og med at me nesten ikkje hadde noko teori med i framføringa vår. Men alle hadde jo lest om dei ulike teoriane og sidan me var sist til å framføra, hadde dei fleste fått læringsteoriane inn med te-skei.

Men dette gjekk jo kjempeflott! Eg er storfornøyd med alle tilbakemeldingane me fekk! Det var utruleg gøy å stå på scena å ha stum-rollespel med forteljar.

Til alle dei andre:
Det var kjempe kjekt å sjå på kva dei ulike praksisgruppene hadde fått til. Alle hadde ei kreativ løysing på oppgåva, på kvar sin måte. Eg må sei at eg blei meir nervøs etter at eg hadde sett alle framføringane, då låg jo lista allerede SKY-HØGT!

Film, tegningar, powerpoint, rollespel, gode gamle transperang-metoden og mykje humor!! Ein applaus til alle i klassen frå meg!

15/10/07 Refleksjon

Praksismøte på HSH Haugesund




I dag var heile praksisgruppa samla på HSH i Haugesund for å dele kunnskapane om dei ulike læringsteoriane. Me hadde mange ulike oppgåver på plakaten i dag:

• Kva slags teori/teoriar me skal presentera?


• Korleis skal me leggja det fram til klassen?


• Kva er vårt syn på best mogleg læring?

Då alle hadde fått presentert den læringsteorien dei hadde lest om, var det tid for brain-storming. Alle hadde laga seg tankar om korleis me kunne framføra oppgåva, men kva slags læringsteori skulle me velga?

Etter mykje om og men fant me ut at det er umogleg å finna KUN ein læringsteori som er den "rette" for best mogleg læring, men det er fleire. Så kvifor ikkje slå dei ilag? Me sette i gang med manus, powerpoint presentasjon og dramaaktivitetar me kunne bruke for å uttrykkje oss meir.

Resultatet blei ein stum-mime-presentasjon samansett av desse læringsteoriane:

• Behaviorisme
  
• Konstruktivisme


• Kognitivisme


• MI-teori

Gled dykk til framføringa 22. oktober, seier berre eg...

08/10/07 Oppdrag: Pedagogisk grunnsyn.

I dag fekk praksisgruppene ei oppgåve av Birgit. Me skulle bli kjent med dei ulike læringsteoriane. Denne oppgåva skulle me leggja fram til resten av klassen på ein kreativ måte, mandag 22. oktober. Dette verka spanande! Her er det berre fantasien som sett grenser. Me fant oss eit grupperom og sette i gang med planleggjinga. Då me hadde sett opp ein plan for arbeidet, fant me ut at alle skulle gå heim kvar for seg, å lese på dei læringsteoriane ein blei tildelt. Alle på gruppa skulle skriva eit referat av den/dei læringsteoriane ein blei tildelt. Dette skulle me leggja fram for kvarandre mandag 15. oktober på HSH i Haugesund. Det var enklare for oss å ha møte der, i staden for å køyre heilt til stord!

Planen vår:
Me har fordelt læringsteoriane mellom oss. Dette skal vi ha klart for oss til mandag:

• Trond: Behaviorisme og Neobehaviorisme
• Cathrine: Kognitivisme og Konstruktivisme
• Malin: Sosialkognitivisme og Sosiokulturellteori
• Cecilie: MI-teori

Alle skriv eit kort referat som dei legg fram til dei andre.

-------------------------------------------

Seinare kommentar:

Kort om dei ulike læringsteoriane som me valte å ta utgongspunkt i: Årsaka til at me ville ta utgongspunkt i akkurat desse læringsteoriane var fordi alle læringsteoriane hadde gode syn på kva som var "rette måten å læra på" som me ville bli litt meir kjende med. Eg likte spesielt godt den teorien om multiple intelligensar, der alle kunne få finna sin intelligens å jobba ut i frå. Sjølv kjenner eg meg heime i den kinestetiske/kroppslige intelligensen. Eg likar å trene både ute på fotballbanen og inne på treningssenteret. Eg gjekk på idrett grunnfag her på Stord i fjor, og lærte ganske mykje av å gjere ting i praksis. Aktivitetane var mykje enklare å læra då me gjorde det inne i gymsalen, i staden for å lesa i ei bok korleis me skulle gjere det. Her kjem faktisk litt av John Deweys teori inn òg, "learning by doing".

Behaviorisme og Neobehaviorisme: "Sann vitenskap kan bare holde seg til det som kan observeres, telles og måles" (Imsen, 2005) Behaviorismen meiner at me kan forma menneskets åtferd dersom me kjenner lovane for stimulus og respons. Belønning og straff er viktige virkemidlar i denne samanhengen. Ifølge behavioristane er mennesket ved fødselen ei uskreven tavla, berre nokre få refleksar er medfødt, elles må alt lærast! Dei meiner også at alle kan læra alt, men nokon lærar fortare enn andre. Sentrale teoretikarar: Edward Lee Thordike (1874-1949), John B. Watson (1878-1958) og Burrus Frederic Skinner (1904-1990)

Kognitivisme og Konstruktivisme: I denne læringsteorien er det dei indre, kognitive prosessane, menneskets måte å tenkje på, som er utgongspunktet for å forstå læring.
Eksempel: Øystein og mamma sitter i bilen… Side 56 i boka ”Didaktisk arbeid”.
Prosessen inneber at ein prøver å forstå noko nytt gjennom å få det til å passa inn i det ein allerede veit. Me justerer vår tenking slik at den passar den nye informasjonen i staden for å justere informasjonen til å passa vår tenking.
Lærerens rolle i denne prosessen blir som tilrettelegger for eigenaktivitet.
Sentrale spørsmål blir då korleis hjernen organiserer kunnskapen, kva som eigentlig skjer når me hugsar og tenkjer, korleis me løyser problemet, osv.

Konstruktivisme tar utgongspunkt i teori om kunnskap og om kva det vil seie å tilegna seg kunnskap.
Filosofen og pedagogen John Dewey (1859-1952) var blant dei fyste til å legge vekta på individets aktive medvirkning i læringsprosessen. ”Learning by doing”. Det er når individet forstår samanhengen mellom handlinga og resultatet av den, at ein lærer noko.

Sosialkognitivisme og sosiokulturellteori: Psykologen Lev Vygotsky (1896-1934) er ein sentral teoretikar i denne teorien. Denne teorien legger stor vekt på betydninga av sosial samhandling og bruk av språket i lærings- og utviklingsprosessen.

Multiple intelligensar: Howard Gardner meiner at mennesker er frå naturens sida, er utstyrt med ei rekkje pontensielle evner, som det er opp til omgivelsane å kultivera og vidareutvikla. Mennesket har i utgongspunktet 7 ulike "intelligensar", hevdar han. Verbal-lingvistisk intelligens, logisk-matematisk intelligens, musikalsk intelligens, spatial intelligens, kroppslig intelligens, interpersonlig intelligens, intrapersonlig intelligens og natur intelligens.

Pedagogisk grunnsyn og læringsteori:

Eit pedagogisk grunnsyn er den virklighetsoppfatninga, dei verdiane og haldningane som ligg til grunn for pedagogisk arbeid. Medan læringsteoriane går meir på å forstå korleis læring skjer, og korleis eg som lærar kan bidra til auka læring. Men kvifor er det eigentlig så viktig for meg som lærar å ha eit pedagogisk grunnsyn? Korleis lærar elevane mine best? Det er akkurat det pedagogisk grunnsyn handlar om. Eg må finne læringsmetodar som eg trur elevane mine har mest utbytte av, og eg som lærar må også kunne forklara undervisningsmetodane mine. Ein skal alltid være bevisst på kva ein gjer, og kvifor ein gjer det slik. Ein må lære å kjenne elevane sine, ingen er like, og alle har sine måtar som ho/han lærar best på. Det var interessant å lese i Imsen boka om korleis læringsteoriane prøver å seie noko om korleis ALLE mennesker lærer, mens teorien om læringsstilar seier noko om korleis kvart individ lærar.

-------------------------------------------