11.02.08 Ynskjeøkt - Spesialundervisning

Det var oss studentar som valte temaet for timen i dag. Og det var stort fleirtal om at me ville få eit djupare innblikk i spesialudervisning i skulen. Dette er eit tema som me heilt sikket vil møta på i den kommande lærarkvardagen. Enten du har erfaring eller ikkje, vil ein nok tideleg nok få komme bort i denne forma for undervisning.

Det er lagt meir og meir vekt på spesialundervisning i skulen no til dags. Eg hugsar tilbake på mi tid på barneskulen, då lærarane nesten ikkje praktiserte det i heile tatt. Eg kan hugse ein i klassen som fekk litt enklare matteoppgåver enn oss andre, men det var ikkje noko meir enn det.

Då me var i praksis på Skåredalen, var det to elevar i min klasse som fekk spesialundervisning. Den eine dagen fekk eg prøva meg i ein slik spesialundervisningstime med ein elev med konsentrasjonsvanskar. Dette var meir krevande enn ka eg hadde trudd! Me skulle gjere matematikkoppgåver, men han var interessert i noko heilt anna. Då var det mi oppgåve å få styrt han litt meir over på matematikken,og lengre vekk frå snakket om hund. Men dette kan du tru at ikkje var lett! For kvar gong han hadde løyst ei oppgåve, trudde han det var greit at han starta pratinga om andre ting igjen. Denne timen var utroleg lærerik for meg, det fekk meg til og med inn på tankane om å ta spesialpedagogikk som det 5. året i lærarutdanninga.

Eg blei interessert og gjekk og snakka med ein lærar som jobbar på ein skule i Haugesund, om spesialpedagogikk. "Nei, du må ikkje finna på å ta spesialpedagogikk som det 5. året. Du vil bli sette til kun slike elevar når du kjem ut i arbeidslivet!" Det var beskjeden eg fekk av denne læraren...
Eg blei litt skremd, og lurar på "er det verkeleg slik?"

For det om eg vil ta faget spesialpedagogikk, treng eg vel ikkje berre jobbe med elevar med ulike problemområder? Får eg vil jo også undervisa i ein klasse...

Det er trygt å veta at ein ikkje står aleine på eit slik felt. Det er viktig å ha gode støtteapparat rundt seg, som ein kan henvenda seg til i situasjonar der ein er usikker og treng råd. PPT er ein slik samarbeidspartnar. Alle er jo interessert i kva som er for elevens beste.

Eit nytt ord som eg lærte i løpet av desse timane var ordet "diskalkuli". Dette ordet brukar me på elevar som slit med vanskar i matematikken. Medan ordet "dysleksi" var eg kjent med frå før. (Lese og skrivevanskar) Som lærar har ein eit stort ansvar når det gjeld elevane. Ein må observera om ein kan finne symptoma til til dømes lese og skrivevanskar. Dette kan vere krevande dersom ein ikkje heilt veit kva ein ska sjå etter. Det er bare ein liten grunn til at alle lærare no til dags, burde ha brei kunnskap innforbi spesialpedagogikken.

No blir det mykje snakk om elevar med spesielle behov. Men kva med dei elevane som ikkje treng spesialundervisning? Me skal ikkje gløyme desse. Det er viktig å halde oppe motivasjonen til dei elevane som ikkje får reisa på bondegård kvar fredag eller får sitta så mykje med PC`en på datarommet. I praksis fekk eg eit inntrykk av at dei fleste elevane uten spesielle behov, forstod kvifor dei elevane med spesialundervisning hadde eiget opplegg.

Eg fekk mykje ut av denn økta, ikkje berre lærte eg nokon nye, nyttige begrep, men blei også eit hakk sikrare på at det er dette feltet som eg vil gå vidare med i mi lærarutdanning.

04.02.08 Sjølvbilete og attribusjonsteori

Nesten flaut å seie det, men eg var forsatt i Thailand då me hadde om dette temaet! Kunne nesten høyrast ut så eg hadde vært der i eit halvt år, dersom du les på bloggane...men eg va der altså berre 17 dagar.. Det var ein del nytt stoff å lesa på når eg kom heim att kan ein sei!

Då eg skulle setje meg ned å lese teorien, Imsen kap.16 og 17, fekk eg litt problemer. Her sto det veldig mykje som var nytt for meg, og eg synes det var vanskeleg å setje seg inn i mykje av det eg las.

"Skulen skal ha omsorg for heile eleven", syns eg var eit godt omgrep. Ein tenkjer kanskje ikkje over at skulen faktisk har mange viktige oppgåver når det gjeld elevane. Dei skal utvikla eleven som person, både i kunnskap, moralsk, når det gjeld følelsar, skapande og sosialt. Skulen skal også utvikla elevanes etiske, sosiale og kulturelle kompetanse. Dette høyrtes ut som eit stort ansvar!

Er skulen med på å utvikle oppfatninga av sjølvet?
Etter kvart som eg les vidare i kapittelet, tror eg svaret er ja. George Herbert Mead meiner i sin teori at det er andres reaksjonar på oss sjølv som me observerar. Denne prosessen kan me kalla for speilingsteori. Læraren er med på å påverke elevanes sjølvoppfatning både positiv og negativt. Til døme, lærarar som forskjellsbehandlar elevar som dei oppfattar som sterke eller svake. Dette trur eg er ein viktig ting å hugse på når ein skal ut i arbeidslivet, korleis forskjellsbehandling kan verke inn på sjølvoppfatningen til elevar. Ein må vere litt forsiktig slik at ikkje det blir eit negativt utslag.
Ein annan ting som kan verke inn på sjølvoppfatniga kan vere karakterer og vurdering frå lærar. Dette betyr mykje for elevane, då det har konsekvensar for framtida. Her er det prestasjon i dei ullika faga som spelar inn.

Ein teori som eg synes var interessant å lesa om var Erik Homburger Erikson sin teori om utvikling av personlegdom. Det var ei veldig god skisse av den psykososiale utviklingsprosessa i Imsen boka på side 435. Her kunne ein lese om menneskets åtte aldrar, noko som vekka min oppmerksemd. Eg følte at eg kjente meg igjen i mange av tilfella, kanskje hugsar eg best den pubertetsfasen og identitetdanning. I denne perioda av livet er det mykje nytt som skjer, og ikkje minst mykje nytt som skal prøvast. Det er ein, for mange, vanskeleg periode i livet med både identitet og rolleforvirring. Sjølv om eg ikkje har vært gjennom alle periodane i den psykososiale prosessa endå, vil eg tru at Erikson har fått med mykje viktig stoff om livet i sin teori, og at mange kan kjenne seg igjen i denne teoria om personlegdom.

Attribusjonsteori
Her blei eg nesten skremt av bare ordet, attribusjonsteori. Eit langt og vanskeleg ord, men heldigvis en kort og grei forklaring på i Imsen boka på side 452.
"Om to personer er vitne til den samme hendelsen, eller om de utfører den samme handlingen, er det ikke sikkert at de ville forklare forløp eller utfall på samme måte. Det er et generelt fenomen at vi tolker omgivelsene våre. Det er nødvendig for at tingene skal få mening. Alt som skjer med oss og rundt oss, alt vi ser og hører, blir omhyggelig filtrert og puttet inn i vår egen forståelsesverden hvor tingene blir tillagt mening." (Imsen 2005)
Undervegs i kapittelet var det veldig mange gode døme på ulike situasjonar innforbi dette temaet. Dette hjalp meg godt på veg! Det er ingenting som er verre enn å lesa seg gjennom eit stoff så ein ikkje forstår.

Motivasjonsteori veke 5

Eg skal berre ærlig innrømma at eg forsatt var i Thailand (noko som kan være ein motivasjon i seg sjølv) då Åshild hadde om emne motivasjon.

MEN det betyr ikkje at eg ikkje har lest eller ikkje gjort meg nokon tankar om emne, for det HAR eg gjort!

I og med at eg gjekk på kroppsøving i fjor, var ikkje dette temaet så heilt ukjendt for meg. Me fekk høyre heile tida at det var viktig å lage eit opplegg som var motiverane for elevane, noko som skulle vekke elevanes interesse. Men me fant fort ut at kanskje ikkje dette var så lett. Noko som kanskje eg synes var kjempe gøy å halde på med i gymsalen, var heilt gørr keisamt for nokon av elevane, og ikkje minst barnsleg! Den reaksjonen hadde eg kanskje ikkje venta meg, og det fekk meg etter kvart til å tenkje på kor forskjellig syn me kan ha på motivasjon.

Det er stor forskjell på indre og ytre motivasjon. Og eg vil tru at det er ofte den ytre motivasjonen som trer til i skulesamenhengen. Ein får gode karakterer eller anerkjensle frå lærar dersom ein gjer det bra på ein prøve eller på ei oppgåve. Månge elevar gjer skulearbeidet fordi dei må, og ikkje fordi dei syns det er kjekt eller meiningsfult. Karekterene og tilbakemeldingane som elev får frå lærar, blir då deira "belønning" for godt arbeid. Men kva med dei som ikkje får så gode tilbakemeldingar eller karakterar? Vil det bli ein belønning for dei på same måte?

Det finst ulike måtar å forstå motivasjon på. Den eine måten som eg har nemt over, er Behavioristisk perspektiv (belønning og straff). Til det eg har erfart til nå, gjennom praksis, kan eg vel sei at det er denne måten å forstå motivasjon på som står sterkast i skulen. Kan eg ha rett då?

Dei andre perspektiva er kognitivt perspektiv og humanistisk perspektiv. Eg synes det var lærerikt å lesa om dei ulike perspektiva, og dei sto veldig godt forklart i Imsen boka på s.379. Spesielt viktig syns eg måten de kognitive teoriene legg vekt på korleis tankane våre er med på å forme motivasjonen. Det at elevene holder på med det fordi dei synes det er spanande og finner ein meining i det dei gjer, synes eg er spesielt viktig for motivasjonen. "Det å søke nye utfordringer og å mestre de oppgavene en har satt seg, er en del av menneskets natur." (Imsen, 2005)

Då eg var i praksis på Skåredalen, hadde eg fokus på motivasjon heile tida då eg skulle planleggje nye timar. For meg var det ikkje berre viktig at alle elevane skulle følgje med i timen eller gjere alle oppgåvene, men eg ville at dei skulle ha ein følelse av at "dette var gøy!",og at dei satt igjen med den følelsen at dei fant ei meining med kvifor me skulle læra detta. Det var også viktig for meg å få alle interessert i det me skulle halde på med. Noko som til tider kunne væra ein stor utfordring. På bilete: Ut på tur i naturfagen!

Det er nok ikkje berre elevar som til tider slit med motivasjonen, eg kan ærleg innrømma at eg har mine periodar eg òg. Eg vil nok væra meir bevisst på dette etter at eg har blitt lærar, kor viktig motivasjonen er for elevane og ikkje minst for meg sjølv!

Samansatt tekst

I medan klasse A1 gjekk på skulen kvar dag i det sure vestlandsvinterværet, låg eg på ei tropisk øy i Thailand og nøyt late dagar. Noko som skulle straffa seg hardt etter at eg kom heim...

Ettersom alle hadde laga den samansatte teksten i lag med nokon, måtte eg gjere denne oppgåva aleine. Eg grua meg fælt til å ta fatt på dette, sidan eg føler meg litt utrygg på det området. Men i veka før praksis satte eg av ein heil dag for å setje meg inn i korleis eg skulle gjere det. Dette resulterte i at eg ikkje berre laga ein samansatt tekst, men eg laga 3 stk på ei veke! Men berre ein av dei samansatte tekstane var fagrelatert kan eg sei. Det var så utroleg gøy å redigere, setje inn lyd, bilete og tekst! Eg storkoste meg mens eg holdt på med denne oppgåva, og var utroleg stolt over at eg ikkje trengte hjelp ein gong!

Nå lurar dykk kanskje på kva bok eg reklamerte om i min samansatt tekst?

Karius og Baktus av Torbjørn Egner.

Dette var ei spanande bok å arbeide med. Som liten likte eg Karius og Baktus veldig godt, det er spanande bilder i boka som gjer at du greier å leve deg inn i historia etter kvart som du les ho. Alle bildene i den samansatte teksta har eg tatt sjølv med eige kamera. Tekst etter kvar bilete har eg skreve sjølv, og lyden kjem frå ein samle CD med Torbjørn Egner sine eventyr på. Eg hadde også laga ein animasjon av Karius og Baktus som skrik etter loff, eg håpar berre folk ser kva det skal likne på! Til slutt har eg rulletekst. Med Helge Toft sin "Haugesund Sove" som bakgrunnssong.

Eg har fått løyve av Helge Toft til å bruka songen hans i den samensatte teksta mi. Men eg manglar forsatt svar frå Bjørn Egner for bruk av bilete og lyd frå CD. Håpar at det snart kjem eit svar!

14/01/08 Punktpraksis

Planlegging
Eg var berre med på planleggingsdelen på denne oppgåva, fordi punktpraksis føregjekk når eg var i Thailand. Men eg må seie at eg fekk veldig mykje ut av den planleggingsbiten, vonar eg får litt informasjon frå gruppa korleis opplegget fungerte i praksis?

Temaet vårt var svartedauden og nettvett. To heilt forskjellige ting med andre ord! Eg tvile på at dei hadde verken internett eller data på den tida svartedauden herja i landet!
I samarbeid med vår praksislærar, fann me ut at me ville laga eit tredelt hefte til elevane. Me blei einige med praksislærar at ho skulle gå igjennom svartedauden med elevane, slik at dette ikkje var heilt ukjent for dei.
Del 1 i heftet var oppgåver som handla om svartedauden. Elevane skulle bruka internett og det dei hadde lært i går for å kunne svara på spøsmåla.
Del 2 handla om nettvett, her skulle elevane laga sine eige nettvettsreglar, men også lese om dei nettvettsreglane ein kunne finne frå før.
Del 3 skulle hjelpa elevane til å komma fram til sikre kjeldar på nett, korleis ein kunne søkja etter den informasjonen ein var interessert i, og kor mykje informasjon ein kunne finna om seg sjølv på internett.

Opplegget som me har laga skal gå over 3 skuletimar. Vår oppgåve blir å væra dei gode rettleiarane for elevane. Elevane skal få prøva seg sjølv, men det er me som skal styra dei inn på rett spor dersom dei dett utenfor. Før me deler ut dette heftet, vil me gå igjennom nettvettsreglane felles i klassen. Me vil òg gå igjennom bruk av internett, sjølv om mange er flinke på dette området frå før.

10/01/08 Animasjon, film, lyd, digitale forteljingar og samansatte tekstar.

Dagen i dag gjekk til nedlasting av dei ulike programma som me får brukt for litt seinare. Det var godt at me tok denne nedlastingsdelen i fellesskap, for eg forstår ikkje alltid heilt kva eg skal trykje på, å kor programmet blir av dersom/når eg har lasta det ned. Alltid godt med litt hjelp!! Eg kan ikkje sei at eg hugsa så mykje frå den filmen som blei vist på storsjermen i byrjinga av timen...det gjekk alt for fort i svingane for at eg klarte å få det med meg. Eg veit at det skulle forestilla ein opplæringsfilm av Windows movie maker og at den gjekk på svensk, men trur eg må sjå den eit par gonger til heime, for at eg skal skjøna kva det går ut på.

Cartoonist var ei artig side vil eg seie. Her kunne eg dikta min eigen teikneserie med sjølskrevne replikkar! Dette var jammen meg gøy, heilt til eg kom borti ein knapp...så forsvant alt...gjekk ikkje ann å trykje på nokon angreknapp her i gården. Men alt i alt ei flott side med fengande fargar og figurar.

Pivot var også eit kjekt program! Her var det berre til å forme figuren slik du ville den skulle være, for deretter å sleppe fantasien laus i paint for å lage bakgrunn til denne tøysemannen. Me hadde mykje lått og løye med dette programmet, og det var mange fantasifulle bakgrunnar i klassen.
-------------------------------------------
Seinare kommentar:
På bilete nedanfor ser du dansemannane som meg og Trond laga i Pivot! Bakgrunnen (diskoteket) laga eg i eit teikneprogram som vert kalla Paint. No kan du berre trykka på bilete å sjå om mannane vil dansa for deg!

-------------------------------------------

Når det gjaldt dei digitale forteljingane kunne me gå inn på ei side som heiter http://www.digitalefortellinger.com/ å sjekke ut kva det går ut på. Me fekk også sjå ein god digital forteljing om ein gut så hadde vært sjuk. Med denne filmen fekk me eit godt eksempel på kva ein digital forteljing er.

07/01/08 Born og nye medier

Nytt år, med nye moglegheitar! Godt med julefri, men òg godt å få komma i gong igjen. Temaet me skal arbeida med i dei neste vekene som kjem, heiter born og nye medier. Eg vil tru at dette er eit ganske relevant tema for oss i den tida me lever i no. Eg hugsa sjølv at eg var 14 år å "chatta" på internett, men det var ikkje så stort fokus på unge og chatting i den tida. Det er i nyare tider me får høyre om dei mest ekstreme tilfella som oppstår ved chatting, valdtekter, barneporno, bilete av seg sjølv i berre trusa ved å nevne nokre tilfelle...Dette gjeld sjølvsagt ikkje berre internettchatting, men òg på mobil og meldingar! Eg hadde ikkje ein gong mobil då eg var 13-14 år eg!!

Månge unge veit ikkje heilt kva dei gir seg ut på, då dei gir fullt navn og telefonnummer til framande på internett, kanskje slenger dei ved eit bilete av seg sjølv også. For å teste ut korleis chatting på internett fungerar i dag, logga ein medelev seg inn på SolChat som "j14". Og vips, var det ca. 15 henvendingar på skjermen som sto å blinka, utan at "j14" hadde gjort noko som helst for å ta kontakt. Sånn heilt utan vidare fekk ho spørsmål om ho ville kose og kva slags stilling i senga ho likte best. Dette er jo bare heilt utruleg!! Det var sjokkerande å sjå kor månge ekle spørsmål ein kunne få på ei slik chattesida. Eg trur det er viktig at foreldra har god oppfølging på ungane sine når det gjeld slike sider som dette. Forklare dei godt kor farleg det kan vere, og kva slags konsekvenser det kan få. Barn og vaksne kan gå ilag for å finne nyttige å trygge plassar på nettet for barn, der ein ikkje treng å leggje ut informasjon om seg sjølv med navn og bilete.

Det var kjekt å få tid til å sjekka ut dei aktuelle lenkjene for dette emne, http://www.dubestemmer.no/ og sidene til SAFT. Spesielt kjekt var det å få sjå videosnuttane på dubestemmer.no, her var det mykje løgne filmar med eit godt poeng!

Plagiering var eit nytt ord for meg, men etter kvart som me snakka om det, skjøna eg kva det gjekk ut på. Det eg månge som ikkje veit at det er ulovleg å lasta ned private bilete frå internett, sjølv om bileta ligg tilgjengeleg for alle, skal ein ALLTID spørje den som eig bileta om lov til å bruka dei. Dette gjeld sjølvsagt songar og dikt. o.l. også. Då er det flott at nokon har oppretta biletbankar som ein har lov til å lasta ned bileta gratis og utan å spørje. Word har ein slik biletbank, der elevar kan henta bilete.

-------------------------------------------

Seinare kommentar:

Dersom nokon lurar på kor me finn desse gratis bileta på nett, har eg eit par internett adresser her til dykk:

http://stud.hsh.no/lu/inf/bilete/ og http://www.sxc.hu/index.phtml

På desse sidene finn dykk mykje bra bilete som er allerie gitt løyve om å bruka. Vær merksamd på at den sist nemte internettadressa finn ein både gratis bilete og ikkje-gratis bilete, men bileta er merka, så det er ikke vanskeleg å finna ut om ein kan bruka dei!

-------------------------------------------